Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kreu i LDK-së, Isa Mustafa deklaron se pavarësisht pengesave që ka patur gjatë qeverisjes, kabineti i drejtuar ai ka arritur që të afrojë vendin më shumë me Bashkimin Europian. Ai thotë se integrimi në BE dhe anëtarësimi në NATO është vizion dhe përcaktim popullor i qytetarëve të Kosovës dhe përmes një shkrimi në rrjetin social ka theksuar disa arritje të qeverisë së drejtuar prej tij. “Qeveria jonë, me gjithë sabotimet e shumëanshme, ka bërë hapa historike në proceset eurointegruese duke nënshkruar dhe filluar së zbatuari MSA-në, duke përmbushur kriteret për liberalizmin e vizave, duke vendosur raporte partneriteti me autoritetet europiane dhe me shtetet kryesore të BE-së, si dhe duke përfaqësuar denjësisht Kosovën në iniciativat europiane, ku kemi përfituar projekte konkrete e kemi parandaluar nisma të dëmshme për vendin”, ka shkruar Mustafa.
