Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas 16 ditësh fushatë, nesër, votuesit e PD-së do të zgjedhin kryetarin e ri mes Lulzim Bashës dhe Eduard Selamit. Rreth 104 mijë anëtarë demokratë nga 68 degë në rrethe, do t’u drejtohen nesër kutive të votimit për të zgjedhur kryetarin e ri të Partisë Demokratike të Shqipërisë. Në garë janë kryetari i “vetëngrirë” i PD-së, Lulzim Basha, si dhe deputeti Eduard Selami, i cili nuk u përfshi në listat e deputetëve në zgjedhjet e 25 qershorit. Në të gjithë vendin do të jenë 73 komisione të votimit, ku demokratët do të kenë mundësi të votojnë që nga ora 08:00 e mëngjesit të ditës së shtunë deri në orën 19:00.
Në secilën prej 73 komisioneve të dy kandidatët në garë, Basha dhe Selami, do të kenë përfaqësuesit e tyre, ndërkohë që të gjithë votat do të numërohen në selinë e PD-së në Tiranë. Kryetari i Komisionit Zgjedhor në PD, Jemin Gjana, ka premtuar se ditën e diel, falë numërimit të shpejtë, demokratët do të kenë kryetarin e ri të tyre, që do t’i drejtojë në 4 vitet e ardhshme. Sa i përket fletës së votimit, Basha do të jetë i pari, ndërsa Selami i dyti.
