Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lidhja Demokratike e Kosovës nuk ka asnjë votë për koalicionin PAN dhe për kandidatin e tyre për kryeministër Ramush Haradinaj. Madje atë nuk do ta votojë as vajza e kryetarit Ibrahim Rugova, Teuta. Kështu ka thënë në një intervistë për “Zërin”, nënkryetari i LDK-së Lutfi Haziri. Sipas tij, Teuta nuk ka nënshkruar asnjë marrëveshje me Haradinajn e as nuk i ka premtuar atij votën e saj, por ka treguar qartë se nuk e distancon votën e vet prej Grupit Parlamentar të LDK-së. Më tutje gjatë intervistës Haziri ka thënë se nuk ka as edhe një formë të vetme për ndërtimin e urave të bashkëpunimit me PDK-në. Sa i përket bashkëpunimit me “Vetëvendosjen”, Haziri ka thënë se nëse u jepet mundësia, ata do ta formojnë një Qeveri me shumicë shqiptare. Ndërsa nëse LDK-ja mbetet në opozitë, ai ka premtuar një opozitë aktive e cila do ta ngrejë zërin e anëtarësisë së saj deri në fund në këtë legjislaturë.
