Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zyrtarë të lartë të PDK-së, nënkryetari, Uran Ismajli dhe deputetja Blerta Deliu, në një konferencë për media kanë akuzuar Vetëvendosjen për rrahjen e bashkëshortes së Ministrit, Blerand Stavileci. Partia Demokratike e Kosovës ka akuzuar Lëvizjen Vetëvendosje në lidhje me sulmin fizik që i është bërë bashkëshortes së ministrit në detyrë të Zhvillimit Ekonomik, Blerand Stavileci. Kryetari i PDK-së Kadri Veseli ka shkruar se ndihet i tronditur nga sulmi brutal ndaj bashkëshortes së Ministrit Blerand Stavileci. Goditja e një gruaje, e një nëne, është akt qyqar dhe i turpshëm. Por, ju siguroj se nuk do të ketë dorëzim përpara kriminelëve të tillë, të cilët kanë zgjedhur t’i terrorizojnë familjet dhe ta shkatërrojnë këtë shtet.
Edhe kryetari i Kosovës, Hashim Thaçi ka dënuar sulmin kundër Vitore Stavilecit . Ai ka Shprehur keqardhje për sulmin e ulët dhe qyqar ndaj zonjës Stavileci, bashkëshortes së ministrit Blerand Stavileci. Ky akt barbar nuk e shqetëson vetëm familjen Stavileci, por gjithë qytetarët tanë:, ka shkruar Thaçi.
Lidhur me sulmin ndaj bashkëshortes së ministrit të PDK-së, Blerand Stavilecit, ka reaguar edhe Shqipe Pantina nga Vetëvendosje. Ajo ka bërë thirrje te organet e rendit, që të ndalen me ‘togelfjalëshin’ hetimet vazhdojnë dhe të zënë ata që kanë quar dorën mbi Vitore Stavileci, gruan e ministrit Stavileci. “Cilat do qofshin arsyet dhe motivet eshte e turpshme dhe e papranueshme te ngritet dore mbi nje grua! Organet e rendit mjaft me me togëfjalshin “hetimet vazhdojne”.
