Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Lista n’Beligrad
shkoi ta marrë bekimin
me votat e saj
të drejtojë Prishtinën.
Një shekull e më shumë
të pushtuar ishim,
në sofër e në fushë,
në shkollë ,
fabrikë e n’gjumë,
në tokë e në ajër,
në oborr edhe në varre,
si ora serkisof, ,
me pare e papare
me Beligradin
hafija shqiptare.
Sot në liri
tonat parti,
vendin bën mish-mash
si kullën me kashtë,
ministrat vendepune
nga pesë- gjashtë,
populli përreth
vazhdon të bëj sehir,
me lutje të Zoti;
për një ditë më t’mirë.
Dimri as vera nuk sollen risi,
prapë me Listen Serbe
bëjmë q e v e r i…..
J.Z. 9 shtator 2017
MOHIMI I VETVETES
Ndërrojmë fytyrën për të tjerë,
akull bëhemi në pikëverë,
marrim hirren e lëmë kosin,
emrin tonë e përdhosim,
kur e tepërt është liria,
mposhtet ligji –
fiton çmendia…!
J Z. 4 shtator 2017
NYJA E HIQIT
Sikur uragani
vrapin s’ e ndalë Pani,
në garë me të tjerë
sikur Don Kishoti
me mullinjetë me erë,
nyja e hiqit
në duart e Vuçiqit…
THURIM QEVERI
Katër deputet,
pesë ministri,
në libër të Ginisit
Pacolli do tē hyjë.
Me serbsken parti
“akulli u thy,
thurim” qeveri.
J.Z. shtator 2o17
KY NGUSHËLLIM I VJETËR
Zoti e bëftë mirë
thonin dikur pleqtë,
kur u ngatërrohej lëmshi
në motin e keq .
Ky ngushëllim i vjetër
nuk ndryshoi as sot
në përplasje me erëat
e stuhinë e vjetër,
duke pështyer diellin
e harrojmë veten….
J.Z. 5 shtator 2017
ME SERPSKEN
Me serpsken dje ,
me serpsken sot,
zgjedhjet s’u bënë kot .
Tufat do t’i rrisim
me gjedhe e me dele.
Grunajat do të shtohen
si lulepranvere……
J.Z. . 7shtator 2017
Hipi gjeli në karrige
si pulë kluçe kakarit,
rri mbi veze natë e ditë.
Ikën muaj, u bënë vite,
nuk zbret gjeli prej karrige…
3 qershor 2017
DERI KUR ?
Deri kur dorë
e dorës së huaj,
prej kohës në kohë ? !
Dje fshehtas ,
sot pa dro !
Shtator 2017
NË KUVEND
Macja, qeni,
gomari edhe derri ,
pula e xhirafa
bashkë me ogiç,
për vend të luanit ,
në Kuvend,
shtyhen sikur t’ ishin
në Kopshtin Zoologjik….
27 gusht 2017
VOTA JOTE
O deputet i partisë tjetër,
nuk ka rëndësi çka shkruan në letër,
a je me atë, a në këtë parti,
na jep ne votën të hyjmë n’ qeveri !.
Përkrahësve hakut u kemi dalë,
nyjen zgidh vota jote,
për kryekuvendar..
7 gusht 2017
KUSHE QESH MËRGATËN
Prej duarëve të çara
anë e kënd botës,
mërgimtarët në atdhe,
gëzimin ia kthyen sofrës.
E kur gjak kërkoi liria
si stuhideti
në luftë erdh rinia.
Mërgata e atdheu
dy duar të një trupi,
kush qesh mërgatën,
nënlokja thotë:
“e mbuloftë turpi ” !
2 korrik 2017
NË DASMAT VERORE
Ushton daullja
zë lëshon klarineti;
dasmorët ngrejnë gotat,
ku ka kësi lezeti !?
Hareja në kulm,
në valle burra e gra
me këngë tallava.
Çdo ditë të javës
dasma e kanagjegje,
zgjate zot këso jete !
5 gusht 2017
FORCA E TË VARFËRIT
Lulin e Vocërr
të kohës së Migjenit
në çdo rrugë e lagje
me shokë e kemi !
“Poemën e mjerimit”
ua mëson jeta,
në fshat e në qytet
qyshkur ishin në djepa.
Me karroca dore,
duart “i forcojnë ”
mëngjes deri n’darkë
punë kërkojnë.
Nëpër bërlogje
mbledhin kanaqe,
të kthehen në shtëpi
me bukë e ilaçe.
Zemrat e njoma
bëhen si oxhaqet;
prej agut në terr
shtohen vetëvrasjet.
Kupa e dëshprimit
rimbushet pa rreshtur,
forca e të varfërit
si e mizës në hekur.
