Mësimi ka filluar në të gjitha shkollat e Komunës së Malishevës

04/09/2017 Institucionet

Viti shkollor 2017/2018, në të gjitha shkollat e Komunës së Malishevës, ka filluar sot. Për këtë qëllim, Kryetari i Komunës së Malishevës, Ragip Begaj dhe drejtori i Drejtorisë për Arsim dhe Edukim, Avdi Morina, i kanë uruar të gjithë nxënësit dhe mësimdhënësit e Komunës së Malishevës, si dhe i kanë vizituar disa nga shkollat.

Kryetari Begaj dhe drejtori Morina, gjatë vizitave të tyre në shkollat fillore “Ibrahim Mazreku” në Malishevë dhe “Ganimete Tërbeshi” në Astrazup, si dhe në gjimnazin “Hamdi Berisha” në Malishevë, i kanë uruara nxënësit dhe mësimdhënësit, si dhe kanë kërkuar që të rritet cilësia në mësimdhënie.

“Ne jemi të vetëdijshëm që asnjëherë nuk janë të mjaftueshme investimet në arsim, edhe pse jemi munduar që në vazhdimësi të investojmë në infrastrukturë shkollore dhe në krijimin kushteve sa më të mira për mësim, por detyra e juaja si mësimdhënës, është që të rritet cilësia në arsim” ka thënë Begaj, gjatë vizitave në këto shkolla. Qëllim tjetër i këtyre vizitave, ishte edhe njohja nga afër me fillimin e procesit mësimor, ku nuk janë vërejtur probleme të cilat do të ndikojnë në mbajtjen e procesit mësimor.

 Begaj e Morina, gjithashtu kanë vizituar edhe klasat parafillore, ku fëmijët e moshës pesë vjeçare, për herë të parë janë ulur në bankat e shkollore.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara