KKSB-ja diskuton gjendjen e sigurisë në Kaçanik dhe problemet me të cilat po ballafaqohen qytetaret me rastin e ndërtimit të autostradës

13/09/2017 Institucionet

Kryetari i Komunës së Kaçanikut Besim Ilazi, udhëhoqi mbledhjen e Këshillit Komunal për Siguri në Bashkësi, ku u diskutuan një mori temash dhe problemet me të cilat po ballafaqohen qytetarët me rastin e ndërtimit të autostradës nga Kompania Bechtel Enka. Në takim raportoi toger Afrim Halili, i cili tha se gjendja e sigurisë ka qenë në përgjithësi e qetë, përkundër fluksit të madh të bashkatdhetarëve dhe shtimit të veturave në trafik. Toger Halili tha se edhe më tutje mbetet evidente dukuria e vjedhjes se derivateve të Kompanisë Bechtel Enka nga persona të panjohur, ndërsa tha se Policia e Kosovës është duke u marrë vazhdimisht me këtë problem në identifikimin e personave të kyçur në këtë dukuri. Komandant Halili po ashtu theksoi se ka pasur në vazhdimësi protesta dhe ankesa nga ana e qytetarëve për dëmet e shkaktuara nga kjo kompani me rastin e ndërtimit të autostradës. Anëtarët e KKSB-së kërkuan formimin e një komisioni komunal që do të vlerësonte dëmet e shkaktuara nga kompania e cila po merret me ndërtimin e autostradës që po përshkon edhe në Komunën e Kaçanikut.

Në takim u diskutua edhe për efektin e kamerave që janë vendosur muaj më parë në Kaçanik, vetëdijesimin e nxënësve për rregullat në trafik si dhe tema të tjera të rëndësishme për qytetarët kaçanikas.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara