Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në sallën e Bibliotekës Kombëtare “Pjetër Bogdani”, në Prishtinë, u përurua libri “Masakra e Reçakut krim kundër njerëzimit”, grup autorësh. Librin në gjuhën shqipe dhe në gjuhën angleze e ka botuar, “Insituti për Hulumtimin e Krimeve të Luftës”. Ky libër për herë të parë është botuar në Shtime, në vitin 2004, në pesëvjetorin e Masakrës së Reçakut.
Në fjalën e tij, profesor, doktor, Ismet Salihu, pasi foli për librin dhe vlerat dokumentare të librit “Masakra e Reçakut krim kundër njerëzimit” paraqiti angazhimin e Insitutit për Hulumtimin e Krimeve të Luftës për botimin e librave me përmbajtje të tillë në gjuhët e huaja sidomos në gjuhën angleze. Ai u bëri thirrje institucioneve që të investojnë më shumë në këtë drejtim, në mënyrë që e vërteta për luftën në Kosovë të depërtojë edhe te lexuesit e huaj.
Në fjalën e tija para pjesëmarrësve në përurimin e librit, redaktori, Ahmet Qeriqi tha se e veçanta e kësaj pune është se ky libër është përkthyer në gjuhën angleze, nga Instituti për Hulumtimin e Krimeve të Luftës dhe ky libër do t’ iu shërbejë lexuesve anglisht-folës që të njihen me të vërtetat e masakrës, të përshkruar në radhë të parë nga dëshmitarët okularë dhe dëshmitarë e faktorë të tjerë relevantë, në ditët e masakrës e më pastaj.
Ish-reporteri i luftës në Zonën e Neredimës, Ruzhdi Jashari ka sjellë në kujtesë disa çaste kritike dhe dramatike të zhvillimeve në Reçak, më 15 janar 1999 e më pas. Ai ka falënderuar Insitutin për Hulumtimin e Krimeve të Luftës për botimin në gjuhën shqipe dhe në gjuhën angleze të librit, “Masakra e Reçakut krim kundër njerëzimit”.
Në fund të përurimit të librit, në emër të familjeve të dëshomrëve dhe martirëve të Reçakut të pranishmit i përshëndeti ish luftëtari i lirisë, Agim Kamberi.
14. 9. 2917
