Kryetari Lushtaku ka bërë homazhe në nderim të Dëshmorëve të kombit

23/09/2017 Institucionet

Kryetari i Komunës së Skenderajt Sami Lushtaku i shoqëruar nga Nënkryetari Fadil Nura, Kryesuesi i Kuvendit Ismet Salihu dhe drejtorë të drejtorive komunale ka bërë homazhe në nderim të Komandantit të Brigadës 114 të UÇK-së Fehmi Lladrovci. Kryetari Lushtaku më këtë rast ka shprehur respektin e tij maksimal për figurën emblematike të luftës së UÇK-së Fehmi Lladrovci dhe për bashkëshorten e tij Xhevën. “Fehmiu dhe Xheva janë shembulli i luftëtarëve trima të paepur, që më të rëndësishme se jetët e tyre e kishin atdheun”, tha Lushtaku. Fehmi e Xhevë Lladrovci ranë heroikisht më 22 shtator të vitit 1998 në fshatin Gllanasellë të Drenasit. Kryetari Lushtakut me bashkëpunëtorë ka bërë homazhe edhe në Kompleksin e Dëshmorëve në fshatin Tërnac, në kujtim të 19-vjetorit të rënies heroike të dëshmorëve Naim e Shemsedini Haxhiu të këtij fshati. Lushtaku ka vënë buqetë lulesh pranë varreve të dëshmorëve si dhe ka takuar familjarët e dëshmorëve dhe të rënëve të Tërnacit, duke shprehur respektin e tij maksimal për familjet që kanë dhënë bijtë e tyre për lirinë dhe pavarësinë e Kosovës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara