Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kurdistanit irakian, Massoud Barzani konfirmoi sot, se para Referendumit për pavarësi në këtë rajon autonom, partneriteti me Bagdadin kishte dështuar. Ai u bërë thirrje banorëve të votojnë. Ne jemi të bindur se pavarësia do të bëjë të mundur të mos përsëriten tragjeditë e së kaluarës”, theksoi ai në një konferencë shtypi në Erbil. “Referendumi është etapa e parë që Kurdistani të shprehë mendimin e tij, menjëherë më pas, një proces i gjatë do të fillojë”, shtoi ai. “Referendumi do të zhvillohet në të gjitha rajonet e Kurdistanit dhe asnjë zyrtar nuk mund t’a ndalojë këtë proces”, theksoi ai. “U bëj thirrje të gjithë kurdëve të votojnë për paqen nesër”, nënvizoi presidenti kurd, nismëtar i referendumit. Pavarësisht kundërshtimit të autoriteteve të Bagdadit, presioneve ndërkombëtare dhe kërcënimeve, Massoud Barzani i qëndroi zhvillimit të këtij referendumi.
Ndërkohë Kryeministri i Irakut, Hajder al-Abadi ka paralajmëruar se do t’i marrë masat e nevojshme për të garantuar unitetin e vendit pas vendimit të rajonit autonom të Kurdistanit për zhvillimin e një referendumi për pavarësi. “Të marrësh një vendim të njëanshëm duke prekur unitetin e Irakut dhe sigurinë e tij si dhe sigurinë e rajonit me një referendum është kundër Kushtetutës dhe paqes civile”, deklaroi ai në një fjalim për Kombin, të transmetuar në televizion.
