Ministri Gashi takoi drejtuesit e FFK-së

03/10/2017 Institucionet

Ministri i Kulturës, Rinisë dhe Sportit, Kujtim Gashi, priti drejtuesit e Federatës së Futbollit të Kosovës, të udhëhequr nga kryetari Fadil Vokrri. Ministri Gashi dhe kryetar Vokrri diskutuan për bashkëpunimin e ministrisë me Federatën në të kaluarën dhe për vazhdimin e tij në të ardhmen. Ministri e shprehu gatishmërinë e plotë që të përkrah sportin me të përhapur në vend në të cilin nuk mungojë as aktivitetet e garat por edhe talentet. Ai tha se tashmë kur futbolli është ndërkombëtarizuar është me interes që klubet tona dhe Përfaqësuesja të prezantohen sa më mirë dhe sa më me cilësi. Investimet kapitale janë ndër prioritetet që ministria është e fokusuar dhe përmirësimi i kushteve për futbollistë është detyrë e jona, tha ministri. Nga ana e tij, kryetari Vokrri e informoi ministrin Gashi për punën që bën FFK-ja, për garat që po zhvillohen në të gjitha nivelet si dhe për aftësimin profesional të kuadrove nëpërmjet trajnimeve e seminareve. Vokrri e falënderoi ministrin Gashi për gatishmërinë për të ndihmuar edhe më tutje FFK-në, duke theksuar shpresën që mbështetja të rritet edhe më shumë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara