Kandidati i PDK-së për kryetar të Suharekës, Blerim Xhemajli u ka premtuar të rinjve, që Shtëpia e Kulturës në Therandë do të rregullohet gjatë vitit 2018.
“Jam shumë i lumtur që me zëvendëskryeministrin, Enver Hoxhaj dhe me ministrin e Kulturës, Rinisë dhe Sportit, Kujtim Gashi, u zotuam para të rinjve që Shtëpia e Kulturës në Suharekë do të rregullohet gjatë vitit 2018. Ky projekt është paraparë në projekt-buxhet për tri vitet e ardhshme por me mbështetjen e Ministrit Z. Kujtim Gashi do ta realizojmë gjatë vitit 2018. Gjithashtu, jemi duke e shqyrtuar mundësinë edhe çështjen e themelimit të Teatrit të Qytetit dhe mbështetje të vazhdueshme për shoqërinë kulturore-artistike SHKA “Jehona”. Suhareka ka nevojë për #forcënendyshimit dhe ky ndryshim arrihet vetëm me PDK-në, që është parti e fitores. #VOTOPDK94”, ka shkruar Xhemajli në Facebook