leoni

Kryetari Bashota priti zyrtarë të BE-së për vëzhgimin e zgjedhjeve lokale në Kosovë

06/10/2017 Institucionet

Kryetari i Komunës së Klinës, Sokol Bashota, ka pritur në një takim, përfaqësuesit e Bashkimit Evropian për vëzhgimin e zgjedhjeve lokale në Kosovë, Toril Lund nga Norvegjia dhe Antonio Villacis nga Estonia, të cilët do të përcjellin fushatën elektorale, ditën e zgjedhjeve dhe fazën pas zgjedhjeve lokale e gjithashtu edhe balotazhin ( në ato komuna ku do të ketë) në Rajonin e Pejës. Një ditë para zgjedhjeve do të vijnë dhe dy ekipe tjera të BE-së për të përcjellë nga afër procesin zgjedhor. Zyrtarët e BE-së, janë interesuar për situatën e përgjithshme në këtë komunë, fushatën elektorale dhe mbarëvajtjen e saj. Kryetari i Klinës, Sokol Bashota, i ka njoftuar ata se deri tash nuk ka pasur asnjë ekses dhe se fushata është e qetë dhe korrekte. “ Përveç shqiptarëve në ketë komunë për anëtar të kuvendit me listat e tyre garojnë edhe subjekte serbe dhe të komuniteteve tjera. Probleme nuk ka pasur asnjëherë gjatë fushatës dhe ditën e zgjedhjeve, besoj se edhe këto zgjedhje do të kalojnë në fryme demokratike. Fushata është duke u monitoruar nga afër edhe nga Organizatat Joqeveritare dhe Policia dhe se gjithçka po ecën mirë”, ka thënë Bashota.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara