Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kandidati për kryetar të Kastriotit nga AAK, Xhafer Gashi, ka shpalosur programin qeverisës për mandatin e ardhshëm katërvjeçar, i cili bazohet në shtatë shtylla kryesore që prekin sferat kryesore të jetës së qytetarëve të kësaj komune. Ai me këtë rast tha se përmirësimi i ambientit, krijimi i kushteve të favorshme për zhvillim ekonomik, zhvillimi i bujqësisë, ngritja e mirëqenies sociale, kogjenerimi, zbatimi i ligjit për Kastriotin janë vetëm disa nga prioritetet e tij. Gashi tha po ashtu se gjatë mandatit të tij të rinjtë do të kenë përparësi në punësim në KEK. Ndërsa, kryeministri i Kosovës, njëherësh kryetar i AAK-së, Ramush Haradinaj, ka lavdëruar qeverisjen e deritanishme të Xhafer Gashit në Kastriot. Ai ka thënë se me punën e tyre çdo ditë po dëshmojnë para qytetarëve të vendit se po kryejnë punë të rëndësishme. Haradinaj ka lavdëruar edhe listën e kandidatëve për asamblistët komunalë nga radhët e AAK-së për komunën e Obiliqit, duke thënë se ata janë njerëzit më të përgatitur për të bërë punën më të mirë për qytetarin. Ai ndërkaq është zotuar se do të zbatohet edhe ligji për Kastriotin.
