MINISTRI LEKAJ PRITI NË TAKIM KRYETARIN E ODËS EKONOMIKE TË KOSOVËS SAFET GËRXHALIU

17/10/2017 Institucionet

Ministri i Infrastrukturës, Pal Lekaj priti në një takim kryetarin e Odës Ekonomike të Kosovës (OEK-ut), Safet Gërxhliu me bashkëpunëtorë. Në këtë takim u bisedua për vazhdimin e bashkëpunimit në mes të Ministrisë së Infrastrukturës dhe Odës Ekonomike të Kosovës. Ministri Lekaj e falënderoi delegacionin e OEK-ut për vizitën dhe shtoi se është i gatshëm që të ndihmojë të gjitha bizneset që kanë impakt pozitiv në zhvillimin e vendit tonë. Po ashtu ministri Lekaj theksoi se do të thellojë formën e bashkëpunimit më OEK-un duke ndihmuar zhvillimin e bizneseve të vendit tonë, në lëmit ku atakohen me MI-në. “Ne duhet ta vazhdojmë traditën e bashkëpunimit me OEK-un. Do të jemi shtytje dhe partner i vërtetë, pasi që infrastruktura ndikon drejtë për drejtë dhe ka ndikim pozitiv në ndërmarrësi dhe zhvillimin ekonomik, duke filluar nga qasja në rrugë. Sa i përket ndërlidhjes dhe infrastrukturës rrugore dhe bizneseve, duhet të veprohet ndryshe se sa deri më tani, në mënyrë që të ketë zhvillim të njëjtë të të gjitha bizneseve për të mirat që i përfiton shteti ynë. MI-ja do të jetë partner i vërtetë i zhvillimit të ndërmarrësisë, dhe sipas asaj se si duhet t’i qaset Qeveria bizneseve” tha ministri Lekaj. Kryetari i OEK-ut, Gërxhaliu e përgëzoi ministrin Lekaj për detyrën e re si ministër. Gërxhaliu shtoi se në të ardhmen duhet të gjenden format më të mira për koordinim të aktiviteteve në mes të MI-së dhe OEK-ut. “OEK-u si institucion është i gatshëm që të ofrojë të gjitha mundësitë për bashkëpunim, të ofrojmë ndihmën tonë që të punohet më tepër për zhvillimin e transportit, në arenën ndërkombëtare”, vlerësoi Gërxhaliu.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara