Ministri Gashi: Sportistët e dalluar, ambasadorët dhe përfaqësuesit më të mirë të shtetit tonë

23/10/2017 Institucionet

Komiteti Olimpik i Kosovës në një ceremoni solemne të mbajtur të hënën, ka ndarë 19 bursa olimpike për sportistët më të suksesshëm të Kosovës, për përgatitjet për Lojërat Olimpike “Tokio 2020”. Në këtë ceremoni, ishte i pranishëm edhe Ministri i Kulturës, Rinisë dhe Sportit, Kujtim Gashi i cili u shpreh i lumtur për organizimin e ceremonisë solemne të nënshkrimit të kontratave me 19 sportistët më të mirë të Kosovës të cilëve u prinë Majlinda Kelmendi, fituese e medaljes së artë olimpike nga Olimpiada e Rios. Ministri Gashi theksoi se garanton mbështetjen e Ministrisë së Kulturës, Rinisë dhe Sportit për Komitetin Olimpik të Kosovës dhe u zotua për mbështetjen e sportistëve që arrijnë rezultate dhe se mbështetja e sportistëve të dalluar, të cilët janë ambasadorët e Kosovës dhe përfaqësuesit më të mirë të shtetit, do të jetë prioritet i veçantë. “Jam këtu me ju, në këtë ceremoni solemne, për të treguar përkushtimin tim si ministër dhe për të garantuar mbështetjen e MKRS-së për Komitetin Olimpik të Kosovës dhe për të zotuar se do të mbështesim sportistët që arrijnë rezultate dhe për të treguar se do t’i përkrahim sportistët e dalluar të cilët janë ambasadorët dhe përfaqësuesit më të mirë të shtetit tonë”, tha ministri Gashi. Besim Hasani, President i Komitetit Olimpik të Kosovës tha se falë kritereve të përcaktuara nga Solidariteti Olimpik i KON-it bazuar në përvojat e mira nga cikli olimpik “Rio 2016” dhe eksperiencave të komiteteve olimpike kombëtare, bordi ekzekutiv i KOK-ut ka zgjedhur 19 sportistët më të mirë që i ka Kosova për të qenë përfitues të bursave olimpike “Tokio 2020”. Ai po ashtu theksoi se 19 sportistët e përzgjedhur u takojnë 8 sporteve olimpike individuale dhe 9 prej tyre janë të gjinisë femërore. Përveç tjerash ai falënderoi Ministrinë e Kulturës, Rinisë dhe Sportit për ndihmën dhënë KOK-ut në arritjen e përmbushjes së objektivave strategjike.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara