Në mbledhjen e fillimjavës në Kaçanik diskutohet ecuria e implementimit të projekteve kapitale komunale

30/10/2017 Institucionet

Kryetari i Komunës së Kaçanikut Besim Ilazi, udhëhoqi mbledhjen e fillimjavës të ekzekutivit komunal, ku u diskutuan zhvillimet e ndryshme në secilën drejtori dhe sektor komunal.

Përveç tjerash, me theks të veçantë u diskutua ecuria e implementimit të projekteve kapitale komunale. U bë e ditur së tashmë është betonuar pllaka e parë e objektit për banim social në Kaçanik të Vjetër, ndërsa sipas planifikimit punët janë duke vazhduar edhe në objektin e Qendrës së Mjekësisë Familjare në këtë fshat, ndërsa së shpejti pritet të betonohet pllaka përfundimtare. Punimet janë duke vazhduar në projektet e infrastrukturës rrugore e disa nga ta, tashmë kanë hyrë në fazën përfundimtare. Është finalizuar projekti tek lagjet Kovaq-Topojan, në rrugën “ Hetem Hasaj” Gabrricë, si dhe në Lagjen Drashec. Punime në infrastrukturën rrugore janë duke vazhduar në rrugën “ Rrahman Vogliqi” dhe “Brahim Vogliqi” në fshatin Gërlicë, ku është duke u përgatitur traseja për shtresë asfalti, ndërsa në qytet janë duke u zhvilluar punimet në rrugën “Kjani Bela”. Në fshatin Stagovë janë duke vazhduar punimet në rrugën “Milaim Hysa”, ku është duke u bërë shtrimi i trasesë me shtresë zhavorri si dhe punimi në muret mbrojtëse. Në fshatin Biqec janë asfaltuar rrugët “Halit Gavazi”, “Fadil Bunjaku” dhe “Demir Fuga”. Punimet janë duke u zhvilluar edhe në dhjetëra projekte të tjera komunale si në rrugë, ujësjellës e kanalizim.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara