Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kuvendit të Republikës së Kosovës, Kadri Veseli, priti sot në takim përfaqësuesit e Klubit të Prodhuesve të Kosovës, me të cilët diskutoi për sfidat dhe problemet me të cilat ballafaqohen prodhuesit vendorë në procesin e prodhimit dhe plasimin në tregje. Kryeparlamentari Veseli i përgëzoi ata për punën e tyre të palodhshme dhe njëherësh i inkurajoi që të vazhdojnë me veprimtarinë e tyre prodhuese. Në funksion të mbështetjes institucionale për bizneset vendore, kryetari Veseli siguroi prodhuesit se shumë shpejt, brenda pak javëve, do të hartohet Ligji për tregtinë e brendshme, i cili do të garantojë mbrojtjen e prodhimeve vendore dhe promovimin e tyre për eksport. Veseli i siguroi ata se do të jetë avokues i kërkesave të tyre në mënyrë që ndërmarrësit kosovarë të fuqizohen dhe të krijojnë vende të reja pune, dhe të gjithë ndërmarrësit vendorë që gjejnë bashkinvesitues të huaj dhe i sjellin ata në Kosovë, do të kenë lehtësira të mëdha nga shteti.
