Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Drejtori menaxhues i Korporatës Energjetike të Kosovës, Arben Gjukaj, deklaroi se edhe pse termocentralet e Kosovës janë të stërvjetruara, KEK-u i ka bërë të gjitha përgatitjet për të pasur një furnizim të mirë me energji elektrike për konsumatorët e Kosovës. “KEK-u i ka bërë të gjitha përgatitjet për sezonin dimëror. Jemi në gazën e fundit të testimi që të kemi gjenerim të energjisë për dimër”, tha ai në një intervistë për televizionin publik.
Sipas tij KEK-u ka pasur rekord për prodhimin të energjisë elektrike. Ai ka bërë me dije se një problem që po ndeshet KEK-u ka të bëj me pjesët rezervë që lidhen me defektet. “Ka problem nuk prodhohen ato pjesë, pasi që janë blloqe më të vjetra”, tha ai. Gjukaj tha se prodhimi i energjisë elektrike është shumë kompleks. Zgjidhja për Kosovën që të mos ketë problem me furnizim me energji elektronike, sipas tij, është ndërtimi i termocentralit të ri. “Jemi vonuar pak, ndërtimi i Termocentralit “Kosova e Re”, është zgjidhja për Kosovën. Fati i “Kosovës A”, lidhet me ndërtimin e termocentralit të ri”, tha Gjukaj.
