Asfaltohet rruga që lidhë Pagarushën dhe Gurishtën

07/11/2017 Institucionet

Fshatrat Pagarushë dhe Gurishtë të komunës sëMalishevës, janë dy fshatra të cilat gjenden shumë afër njëra tjetrës, por për shkak të rrugës së pa hapur, banorët e dy fshatrave, përkatësisht të lagjeve të tyre, është dashur të bëjnë disa kilometra rrugë, për të shkuar nga fshati në fshat. Por këtij problemi i ka ardhur fundi, pasi rruga që lidh dy fshatrat, ka filluar të asfaltohet. Për këtë qëllim, këto fshatra i kanë vizituar edhe kryetari i Malishevës, Ragip Begaj, i shoqëruar nga drejtori i urbanizmit, Ahmet Morina. Begaj dhe Morina, krahas inspektimit të rrugës, i kanë takuar edhe banorët e këtyre dy fshatrave, të cilët e kanë falënderuar Komunën e Malishevës dhe kryetarin Begaj, për realizimin e kërkesës së tyre, disavjeçare, për hapjen dhe rregullimin e kësaj rruge, e cila ka rëndësi të madhe jo vetëm për këto dy fshatra, por edhe për fshatrat tjerë. “Rritja e mirëqenies sociale dhe krijimi i kushteve më të mira për jetesë, përfshi edhe qarkullimin apo lëvizjen e lehtë, për qytetarët e Komunës së Malishevës, është obligim i yni dhe gradualisht kemi arritur që të realizojmë këtë, e në mesin e këtyre angazhimeve tona, është edhe rruga që sot po e asfaltojmë dhe e cila është tërësisht në shërbim të qytetarëve”, tha Begaj, gjatë vizitës në Pagarushë e Gurishtë. Drejtori i urbanizimit, Ahmet Morina, tha se “kjo rrugë është mundsuar nga buxheti komunal i Malishevës dhe ka qenë kërkesë e kahmotshme dhe për këtë qëllim, Komuna e Malishevës, pasi e ka futur në listën e investimeve për këtë vit, kemi filluar me hapjen dhe zgjerimin e rrugës, krijimin e bazës së qëndrueshme dhe tani jemi duke e asfaltuar rrugën që lidhë këto dy fshatra të Komunës së Malishevës”.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara