Vesel Krasniqi nënshkruan marrëveshje në emër të ministrisë së Bujqësisë me palën shqiptare

27/11/2017 Institucionet

Zëvendësministri i Bujqësisë, Vesel Krasniqi po përfaqëson ministrinë e Bujqësisë në mbledhjen e përbashkët të dy qeverive shqiptare që po mbahet në Korçë. Më këtë rast, Krasniqi ka nënshkruar marrëveshjen për bashkëpunim teknik dhe ekonomik në fushën e bujqësisë për njohjen bilaterale të certifikatave veterinare dhe produkteve me origjinë shtazore dhe jo shtazore. Krasniqi ka thënë se kjo marrëveshje ka rëndësi të jashtëzakonshme. Duke shtuar se do të rritet bashkëpunimi mes dy vendeve në fushën e bujqësisë. “Qeveria e Kosovës e ka si prioritet investimet në bujqësi përmes subvencionit dhe grantëve. Është një ndër fushat më me interes e cila mundëson hapjen e vendeve të reja të punës. Andaj ne besojmë se kjo marrëveshje do të lehtësoje dukshëm fermerëve dhe bizneseve që merren me produkte bujqësore”, ka thënë ndër të tjera zëvendësministri Krasniqi. Marrëveshjen nga pala shqiptare e ka nënshkruar ministri i Bujqësisë dhe Zhvillimit Rural, Niko Peleshi.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara