Apel për kujdes në konsumim të ujit të pijes në komunën e Malishevës

01/12/2017 Institucionet

Gjatë pasdites së të premtes, niveli i ujit në lumin Mirusha të komunës së Malishevës ka rënë, dhe pas intervenimit në largimin e mbeturinave në liqe, është hapur për qarkullim edhe ura në rrugën Mirushë-Gurbardh. Megjithatë, të gjithë qytetarëve, e në veçanti atyre që përdorin puset për ujë, ju bëhet thirrje për kujdes në përdorimin e ujit, pasi si pasojë e shirave, shumë nga puset mund të jenë ndotur.

Sipas Drejtorisë për Mbrojtje dhe Shpëtim, situata aktuale nga reshjet  e shiut është në kontroll të plotë dhe gjatë pasdites ka rënë niveli i ujit. Po ashtu sipas drejtorisë, pas intervenimit në urën mbi liqenin Mirusha, është hapur për qarkullim rruga Mirushë-Gurbardh.

Nga ana tjetër, Drejtoria për Shëndetësi, ka apeluar tek qytetarët, që të kenë kujdes në përdorimin e ujit për pije, sidomos ato familje që cilat furnizohen nga puset, pasi si pasojë e reshjeve, shumë nga puset mund të jenë kontaminuar.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara