MINISTRI GASHI I PËRKUSHTUAR NË ZGJIDHJEN E STATUSIT TË TEATROVE NËPËR KOMUNAT E REPUBLIKËS SË KOSOVËS

01/12/2017 Institucionet

Ministri i Kulturës, Rinisë dhe Sportit Kujtim Gashi ka pritur në takim përfaqësuesit e shoqatës sindikale të teatrit të qytetit të Gjilanit të prirë nga Naser Zymberi. Ministri Gashi gjatë këtij takimi u njoftua për së afërmi me problemet dhe sfidat me të cilat janë duke u ballafaquar aktorët e teatrit të qytetit të Gjilanit, me theks të veçantë problemet me pagat e aktorëve. Naser Zymberi, kryetar i sindikatës të teatrit të qytetit të Gjilanit njoftoi Ministrin e Kulturës, Rinisë dhe Sportit për vonesat në ekzekutimin e pagave duke kërkuar që Ministria të angazhohet në zgjidhjen e statusit ligjor të aktorëve të teatrit të qytetit të Gjilanit. Ministri Gashi gjatë këtij takimi ka shprehur gatishmërinë dhe vullnetin politik të tij që të angazhohen fuqishëm në adresimin e kësaj çështje problematike për aktorët e teatrove jo vetëm të Komunës së Gjilanit por edhe të komunave tjera në Republikën e Kosovës, duke potencuar faktin se së shpejti MKRS përmes institucioneve përgjegjëse, do të filloj punën për formimin e grupit punues për të adresuar të gjitha sfidat dhe problemet me të cilat janë duke u ballafaquar teatrot e qyteteve në funksionimin e tyre për realizimin e qëllimit të lirisë krijuese dhe artistike në veprimtaritë e teatrove të qyteteve. Gjithashtu, MKRS do të angazhohet që në koordinim me komunat përkatëse të siguroj zgjidhje të qëndrueshme për funksionimin e teatrove në mbarë territorin e Republikës së Kosovës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara