leoni

Shkollat gjermane ndihmojnë shkollat e Ivajës dhe Gajrës të Kaçanikut

07/12/2017 Institucionet

Shkollat gjermane nga Dortmundi, përmes arsimtarit Kemal Qallaku, mësimdhënës në shkollën shqipe në Dortmund, kanë ndihmuar me inventar shkollor shkollën e fshatit Ivajë dhe Gajre te komunës së Kaçanikut. Në Shkollën Fillore te Mesme te Ulet “Dituria” në Ivajë, i pranishëm gjatë pranimit të inventarit shkollor ishte edhe Nuhi Gashi, zyrtar për arsimin shqip në diasporë nga Ministria e Arsimit, Shkencës, dhe Teknologjisë. Ai me këtë rast ka falënderuar shkollat gjermane e në veçanti mësimdhënësin e bashkatdhetarin tonë, Kemal Qallaku për ndihmën e ofruar për disa shkolla në vendin tonë si në Pejë, Prishtinë, Ferizaj e në Ivajë e Gajre. Ai ka theksuar se janë gjithsej 4 kamion të mbushur me inventar shkollor në vlerë prej 250 mijë euro, ndërkaq njëri nga to është dedikuar për këto dy shkolla të komunës së Kaçanikut. Ndërkaq, edhe drejtori për Arsim e Kulturë, Enver Kamishi ka falënderuar mësimdhënësin Kemal Qallaku, ndërsa e ka vlerësuar si shumë të nevojshme ndihmën e ofruar nga vendi mik, Gjermania, ashtu sikurse edhe Nexhadi Luta, drejtor i shkollës në Ivajë i cili ka thënë se tani e tutje janë krijuar kushte më të mira për nxënësit e kësaj vatre arsimore. Në këto dy shkolla janë dhuruar gjithsej 278 karrige, 67 tavolina 6 tabela dhe 4 vitrina për sallën e arsimtarëve.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara