Pas reshjeve të fundit të borës aksit rrugor Pejë – Kuqishtë është bllokuar

11/12/2017 Institucionet

Ministria e Infrastrukturës njofton se gjatë orëve të mbrëmjes së shtunë në Rugovë të Pejës, si pasojë e reshjeve të dendura të ditëve të fundit, e në veçanti të ditës së shtune ka pasur një rrëshqitje masive dheu që ka bllokuar një pjesë të aksit rrugor Pejë – Kuqishtë. Ministria njofton të gjithë qytetarët se kompania për mirëmbajtje të rrugëve është duke punuar në sanimin e bllokadës, e cila nuk është edhe e vogël, andaj fton qytetarët që të shmangin aksin rrugor nga Peja në drejtim të Kuqishtës. Ministria e Infrastrukturës mbetet e përkushtuar që në afat sa më të shkurtër të hapet për qarkullim rruga Pejë – Kuqishtë, e cila momentalisht është e bllokuar si pasojë e rrëshqitjeve të vazhdueshme të dheut. Ministria e Infrastrukturës u kërkon falje të gjithë qytetarëve për pengesat e hasura në rrugën për Veternik, ku edhe përkundër përpjekjeve të mëdha të ekipeve për mirëmbajtje të rrugëve, ku si pasojë e reshjeve të dendura të borës për vetëm 15 minuta është mbuluar tereni, andaj edhe nuk kemi mundur që t’u ofrojmë kushte më të volitshme për qarkullim. U kërkojmë të gjithë ngasësve në këtë segment të rrugës, por edhe në tërë territorin e vendit që të kenë kujdes të shtuar gjatë ngasjes. Të gjitha ekipet e ministrisë janë në teren duke punuar që rrugët të jenë të kalueshme për qytetarët, madje edhe vet ministri Lekaj është duke u interesuar në teren për punët që po bëhen në mirëmbajtjen e rrugëve. Ministria e Infrastrukturës mbetet e përkushtuar me të gjitha ekipet e saj që janë në teren për të mundësuar qarkullim normal në tërë territorin e vendit.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara