Në vigjilje të Ditës së Veteranëve, Malisheva nderoi dëshmorët dhe veteranët që nuk jetojnë

29/12/2017 Institucionet

Në vigjilje të shënimit të Ditës së Veteranëve në Kosovë, dega e Organizatës së Veteranëve të Luftës së UÇK-së, në Malishevë, me një organizim, që u tha se do të jetë tradicional, ka ndarë mirënjohje dhe dekorata për dëshmorët e Malishevës, të rënë në trojet shqiptare, si dhe mirënjohje për familjet e veteranëve, të cilët nuk jetojnë më. Në këtë shënim, morën pjesë, Kryetari i Komunës së Malishevës, Ragip Begaj, Kryetari i OVL të UÇK-së, Hysni Guncati, kryetari i OVL të UÇK-së, dega në Malishevë, Metush Kryeziu, familje të dëshmorëve, familje të veteranëve, veteran dhe invalid të luftës, nga Komuna e Malishevës. Në fjalët e rastit, u vlerësua lartë kontributi i të gjithë veteranëve të luftës së UÇK-së, e në veçanti kontributi i dëshmorëve të kombit. “Gjaku i derdhur i dëshmorëve të kombit, mundi dhe sakrifica e veteranëve të luftës së UÇK-së, na obligon neve të gjithëve, që të punojmë për vendin”, ka thënë mes tjerash në fjalën e tij, Kryetari i Komunës së Malishevës, Ragip Begaj. Në këtë organizim, janë ndarë dekorata për dëshmorin Agim Elshani, i rënë në Luginën e Preshevës, pastaj për dëshmorët e rënë në trojet shqiptare në Maqedoni, Visar Krasniqi, Labinot Krasniqi dhe Hilmi Hoti.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara