Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në “Ditët e Veteranit” Organizata e Veteranëve të Luftës së Ushtrisë Çlirimtare të Kosovës ndau mirënjohje për pjesëtaret e UÇK-së për kontributin e tyre të jashtëzakonshëm në luftën për çlirimin e Kosovës nga okupimi prej Serbisë. Gjatë ceremonisë së ndarjes së mirënjohjeve u tha se femra shqiptare historikisht ka qenë për krah burrave qysh në kohën e Ilirisë e deri në kohën e Ushtrisë Çlirimtare të Kosovës. Kryetari i organizatës së veteranëve të luftës së UÇK-së, Gucati, përkujtoi se dita e veteranit vjen nga kalendari i vitit 1991, ku komandanti Adem Jashari filloi përballjen me forcat policore dhe ushtarake serbe dhe nga këtu filloi rezistenca e armatosur dhe ushtarake e UÇK-së. Ai shtoi më tutje se në këtë ditë të veteranit është shumë me rëndësi që t’i kujtojmë të gjithë ata që sakrifikuan jetën e tyre në mbrojtje të vendit tonë të shenjët, Kosovës, pra sot shënohet dita e veteranit të Kosovës, ditë e njerëzve më meritor për lirinë dhe pavarësinë e vendit tonë. Mirënjohje për kontributin e dhënë iu nda edhe komandantit të Ushtrisë Çlirimtare të Kosovës, Azem Syla.
