Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në mbrëmjen e së mërkures është zhvilluar një takim në selinë e Lëvizjes Vetëvendosjes ndërmjet zyrtarëve të kësaj partie dhe dy zyrtarëve të lartë evropianë nga Franca dhe Gjermania, pas të cilit nuk ka pasur deklarime për media. I dërguari i posaçëm për Evropën Juglindore, Turqinë dhe shtetet e EFTA-s në Ministrinë gjermane të Punëve të Jashtme, Christian Hellbach dhe shefi i Departamentit të Ballkanit Perëndimor të Ministrisë Franceze të Punëve të Jashtme dhe Evropiane, Thomas Bertin kishin arritur sonte më herët në selinë e Lëvizjes Vetëvendosje për të biseduar me udhëheqësit e kësaj partie, ndërkohë që edhe para takimit nuk janë deklaruar për media. Më herët është thënë se vizita e dy zyrtarëve evropianë zhvillohet në sfondin e shqetësimeve në Berlin dhe Paris lidhur me përpjekjet e fundit për të shfuqizuar ligjin mbi Dhomat e Specializuara dhe Zyrën e prokurorit të specializuar. Gjatë qëndrimit në Kosovë, ata do të takohen me kryetarin Hashim Thaçi, kryeministrin Ramush Haradinaj, si dhe me përfaqësues të partive politike dhe shoqërisë civile.
