Kryetari Latifi merre pjesë në takimin e ftuar nga Ministrja e MMPH-së

25/01/2018 Institucionet

Kryetari i Komunës së Rahovecit, Smajl Latifi, ka marrë pjesë në takimin e organizuar me Kryetarët e Komunave nga Albena Reshitaj, ministre në Ministrin e Mjedisit dhe  Planifikimit Hapësinor, në takim u bisedua për përmirësimin e gjendjes së mjedisit. Ministrja e MMPH-së, Albena Reshitaj, tha se mbrojtja e mjedisit është përgjegjësi e të gjithëve dhe duhet të jetë prioritet i të gjithë kryetarëve të komunave. “Që prej marrjes së mandatit e kam parë të rëndësishme bashkëpunimin me komunat. Ajri, uji, toka, pyjet janë resurse- pasuri shtetërore e vendit, prandaj përgjegjës jemi të gjithë. Është koha që mjedisin ta kemi prioritet të gjithë”.“Kosova ka ligje, por zbatueshmëria e tyre nuk është e mjaftueshme. Jemi duke bashkëpunuar me organe përgjegjëse që këto ligje të zbatohen. Ne duhet t’i respektojmë përgjegjësitë që bien mbi secilin prej nesh. Besoj që kjo iniciativë do të fillojë të japë rezultate konkrete”. Ajo tregoi për disa projekte për trajtimin e ujërave të zeza që pritet të fillojnë, megjithëse me vonesë, sikur që është ndërtimi i impianteve për trajtimin e ujërave të zeza në rajonin e Prizrenit dhe ai në rajonin e Pejës. Kryetari i Komunës së Rahovecit, Smajl Latifi, ka kërkuar nga ministrja e Ministria e Mjedisit dhe Planifikimit Hapësinor që të mbështetën Komunat në veçanti Komuna e Rahovecit pasi që kemi probleme me ujërat e zeza, sepse nuk kemi kolektor për trajtimin e ujërave të zeza dhe këto ujëra derdhen në shtratin e lumit të “Drinit të Bardhë”, ndërtimet pa leje, dëmtimi i shtratit të lumit “Drinit të Bardhë”. Komuna nuk ka kapacitete që ti trajtoj këto probleme dhe kërkoj nga ju si ministri që të shikoni mundësit që në një të ardhme të gjeni mundësi dhe të na ndihmoni në këtë drejtim, ka thënë Kryetari Latifi.

Kontrolloni gjithashtu

Dea Shabani shkruan historinë për notin ferizajas

Anëtarja e Klubit të Notit “FERIZAJ”, Dea Shabani ka shkruar historinë për notin ferizajas në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara