Marrëveshje bashkëpunimi në mes MPMS-së dhe Down Syndrome Kosova për të rinjtë me sindromën “Down”

26/01/2018 Institucionet

Ministri i Punës dhe Mirëqenies Sociale, Skender Reçica ka vizituar Shoqatën “Down Syndrome Kosova” në Prishtinë, me ç’rast ka nënshkruar Marrëveshjen e Bashkëpunimit në mes Ministrisë së Punës dhe Mirëqenies Sociale dhe shoqatës “Down Syndrome Kosova” lidhur me zhvillimin e trajnimeve profesionale për të rinjtë me sindromën Down. Këto trajnime do mbahen në tri qendrat më të mëdha të aftësimit profesional në Kosovë, Prishtinë, Prizren dhe Mitrovicë. Me këtë rast, ministri Reçica tha se tanimë me nënshkrimin e kësaj marrëveshje, përmes qendrave të aftësimeve profesionale në këto tri komuna të Kosovës, të rinjve të shoqatës “Down Syndrome Kosova”, do t’u krijohen mundësi për trajnime profesionale e më pastaj edhe punësime për nevojat e kësaj kategorie në shoqërinë tonë. Ministri Reçica më tej shtoi se i gjithë ky angazhim ka për qëllim dhënien e mesazhit dhe mundësinë e barabartë në shoqëri, duke i respektuar plotësisht të drejtat dhe diverzitetin e njeriut, në mënyrë që të kontribuohet në përmirësimin e standardit të jetës dhe zhvillimin në përgjithësi të personave me sindromën “Down” si dhe fuqizimin e familjeve të tyre. “Është një hap moral, dhe marrëveshjen që sapo e nënshkruam me shoqatën “Down Syndrome Kosova”, ka të bëj me mundësinë e përkrahjes, që ne si MPMS po ofrojmë nëpërmjet qendrave të aftësimeve profesionale ku përmes trajnimit profesionale tu krijohen mundësit e punësimit”, shtoi Reçica. Ndërkaq, Drejtoresha e kësaj shoqate, Sebahate Hajdini – Beqiri, ka falënderuar ministri Reçica për vizitën që ai bëri në këtë shoqatë duke shprehur vullnetin dhe dëshirën që në të ardhmen të bashkëpunohet edhe më shumë në të mirë të kësaj kategorie të shoqërisë sonë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara