Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Komunës së Lipjanit, Imri Ahmeti, në këtë intervistë për gazetën “Epoka e re”, ka folur për të arriturat dhe vështirësitë të cilat e kanë përcjellë këtë komunë gjatë vitit që e lamë pas, po ashtu edhe për planet për vitin 2016. Ai gjatë kësaj interviste ka folur edhe për realizimin e projekteve, të cilat janë shumë të nevojshme për qytetarët e kësaj komune. Fokusi i angazhimeve tona ishte avancimi i performancës për menaxhimin e interesit publik, përkatësisht për avancimin e menaxhimit të buxhetit komunal. Pra, që kishte të bëjë me menaxhimin e pasurisë komunale, po ashtu edhe progresi për ofrimin e shërbimeve komunale.
Po ashtu, edhe të arriturat në vendimmarrje transparente, dinamika e realizimit të agjendës buxhetore, në veçanti tek investimet kapitale etj. Me një fjalë, është shënuar progres i jashtëzakonshëm në performancën e ekzekutivit komunal, por edhe për menaxhimin e interesit publik sipas kompetencës dhe përgjegjësive ligjore. Vlerësojmë se kishte një avancim të gjithanshëm në të gjithë sektorët e menaxhimit. Pra, nuk mendojmë se kemi prekur majën e ajsbergut, por progresi, sidomos në parametrat vlerësues të të hyrave buxhetore, të ligjshmërisë së akteve dhe vendimeve. Po ashtu, edhe në menaxhimin e buxhetit, në dinamikën e ndërtimit të projekteve kapitale, ka thënë mes tjerash, kryetari Imri Ahmeti.
