Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Këshilli për Politikë të Jashtme i Parlamentit Europian ka miratuar projektin e Rezolutës për Kosovën, duke marrë për bazë të gjitha propozimet e Serbisë dhe asnjë të Shqipërisë. Rezoluta përshëndetet nënshkrimi e së ashtuquajturës MSA, arritjen e marrëveshjeve nga dialogu për normalizimin e marrëdhënieve midis Prishtinës e Beogradit, e sidomos Marrëveshja për formimin e Asociacionit të Komunave Serbe.
Projektrezoluta në Këshill u miratua me 37 vota për dhe 12 kundër, kurse 9 abstenuan.
Në projektrezolutë shprehet shqetësimi për “mungesë të përparimit në luftën kundër korrupsionit në nivel të lartë dhe krimit të organizuar, si dhe sikur thuhet për mungesë rezultatesh në hetime e dënime”. Lunaçek në projekt ka inkuadruar edhe formulimin sipas të cilit “Parlamenti Europian të marrë në dije vendimin e Gjykatës Kushtetuese të Kosovës për hapat e përkohshëm që shtyjnë zbatimin e çfarëdo akti legal për Asociacionin e Komunave Serbe”.
Në amendamentet e paraqitura kërkohen kompromise të mëtejme nga autoritetet në Kosovë me qëllim sikur nënvizohet të vazhdojnë riparimin e trashëgimisë fetare e kulturore serbe, kërkojnë nga autoritetet e Kosovës të bashkëpunojnë me Qeverinë serbe dhe me Kishën ortodokse serbe në përcaktimin e sistemit për përparimin dhe mbrojtjen e trashëgimisë kulturore dhe fetare në Kosovë. Në projektrezolutë theksohet nevoja për krijimin e kushteve për kthimin e të zhvendosurve dhe të ikurve nga Kosova.
