Formohet Këshilli Organizativ për shënimin e 10- vjetorit të shpalljes së Pavarësisë së Kosovës

08/02/2018 Institucionet

Kryetari i Komunës së Klinës, Zenun Elezaj, ka formuar Këshillin Organizativ për shënimin e 10- vjetorit të shpalljes së Pavarësisë së Kosovës, 17 shkurt 2008 – 17 shkurt 2018. Këshilli Organizativ ka këtë përbërje: Kryetari i Komunës së Klinës, Zenun Elezaj- kryesues, nënkryetari i Komunës Besim Hoti, Drejtori i DKRS-së Skënder Merturi, Arben Limanaj-drejtor i Arsimit, nga një përfaqësues i Shoqatave të Dala nga Lufta e UÇK-së dhe nga një përfaqësues i subjekteve politike, që përfaqësohen në Kuvendin e Komunës. Në prag të dhjetëvjetorit të Pavarësisë së Kosovës, qyteti i Klinës është stolisur me flamuj kombëtarë e shtetërorë, derisa janë planifikuar edhe aktivitetet që do të mbahen duke filluar nga sot, më 8.2.2018 (e enjte), e deri më 17 shkurt. Aktivitetet mbahen në përkujdesjen e Kryetarit të Komunës, Prof.Dr. Zenun Elezaj. -Aktivitetet më rastin e dhjetëvjetorit të Pavarësisë së Kosovës në Komunën e Klinës

Më 8.2.2018, ora 14:00 – Volejboll (F): SHFMU ’’Azem Bejta’’, Grabanicë – SHFMU “Motrat Qiriazi”, Klinë. Ndeshja zhvillohet në Palestrën e Sporteve “Adem Jashari”, Klinë.

Më 9.2.2018, në ora 18:00 – luhet ndeshja në basketboll (M) kurse më 10.2.2018, në ora 12:00 turnir në Shah në objektin e “Benitës” – Klinë.

Aktivitetet do të vazhdojnë më 11.2.2018, në ora 13:00 me turnirin në ping-pong që mbahet në palestrën e sportit.

Ndërsa më 12.2.2018 në ora 14:00 do të bëhët promovim librash të autorit Ilir Muharremi në Sallën e Kuvendit të Komunës së Klinës në organizim të Shoqatës Kulturore “ Jehona e Dukagjinit” – Klinë. Në ora 18:00 – Hendboll (M), në palestrën e sportit.

Më 13.2.2018, ora 11:00 – mbahet ekspozitë dhe recitim me karakter garues i nxënësve të SHFMU ”Motrat Qiriazi”, Klinë ndërsa në ora 13:00 – Turnir në futboll të vogël (M), institucionet.

Më 14.02.2018, në ora 10:00, vizitë me të rinjtë Varrezave të Dëshmorëve të Kombit të “Kodra e Kuqe”, Zajm. Të njëjtën ditë, në ora 14:00, do të ketë ekspozitë kolektive e artistëve figurativë në Qendrën e Kulturës “Jehona e Dukagjinit”, Klinë.

Më 15.2.2018, në ora 13:00 do të mbahet program kulturo-artistik, në Qendrën e Kulturës ndërsa në ora 19:00, debati ”Kultura në Klinë”, i cili mbahet në ambientet e Restorant ”Fontana”, Klinë, në organizim të Shoqatës Kulturore “ Jehona e Dukagjinit”, Klinë.

Më 16.2.2018, në ora 14:00, do të organizohet ora letrare me moton: ”Ora e Pavarësisë ”, në Sallën e Kuvendit të Komunës së Klinës, organizuar nga SHK “ Jehona e Dukagjinit” – Klinë.

Aktivitet kryesore zhvillohen, më 17.2.2018. Në ora 10:00, bëhet ngritja e Flamurit Shtetëror dhe intonimi i Himnit; 10:05 – Homazhe pranë Shtatores së Mujë Krasniqit në Sheshin e Klinës, ora 10:30; Seancë solemne në Sallën e Kuvendit, ndërsa në ora 11:00, homazhe te Varrezat e Dëshmorëve të Kombit.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara