Drejtori Gashi inspektoi gjendjen e liqenin në Mirushë

14/02/2018 Institucionet

Drejtori i Drejtorisë për Mbrojtje dhe Shpëtim në Komunën e Malishevës, Valon Gashi, bashkë me stafin e drejtorisë, ka inspektuar liqenin në Mirushë, për tu njohur nga afër me gjendjen në liqe, pasi reshjet e pandërprera të borës, kanë bërë që të rritet niveli i ujit si në lumin Mirusha, ashtu edhe në liqenin në Mirushë.

“Aktualisht situata është normale, edhe pse ka rritje të nivelit të ujit si në lum, ashtu edhe në liqe”, ka thënë drejtori Gashi, gjatë inspektimit të bërë në liqenin në Mirushë, sipas të cilit, ekipet përkatëse komunale, sa herë ka të reshura atmosferike, janë në gatishmëri, për ta përcjellë gjendjen. Drejtori Gashi, gjithashtu ka vizituar edhe digën në liqenin Mirusha, pasi ajo digë, është e dëmtuar gjatë vërshimeve në vitin 2016. Aktualisht, situata nga të reshurat është e qetë dhe nuk paraqitet problem, pavarësisht se temperaturat e larta dhe reshjet e shumta të borës e kanë rritur nivelin e ujit, por deri më tani rrjedha e lumit është normale dhe nuk është shënuar asnjë rast i daljes nga shtrati i tij.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara