“Hidroinženiring” e Sllovenisë seriozisht e interesuar për ndërtimin e impiantit të ujërave të zeza në Malishevë

14/02/2018 Institucionet

Kompania sllovene “Hidroinženiring”, duket të jetë kompania më serioze në interesimin e tyre, për trajtimin e ujërave të zeza, përkatësisht për ndërtimin e impiantit për trajtimin e ujërave të zeza, në Komunën e Malishevës. Përfaqësuesit e kësaj kompanie, kanë qëndruar në Malishevë, ku janë takuar me kryetarin Ragip Begaj dhe drejtorin e urbanizmit, Islam Vrenezi, me të cilët kanë biseduar për procedurat administrative për fillimin e realizimit të këtij projekti. Përfaqësuesi i kompanisë “Hidroinženiring”, Davor Račič, tha se “janë të gatshëm të sigurojnë fondet dhe të ndërtojnë impiantin, por paraprakisht duhet të përfundojnë disa procedura nga ana e organeve komunale dhe atyre qendrore, për sigurimin e dokumentacionit të nevojshëm për fillimin e realizimit të projektit për ndërtimin e impiantit për trajtimin e ujërave të zeza”. Kompania sllovene “Hidroinženiring”, përkatësisht përfaqësuesit e saj, e kanë vlerësuar lartë seriozitetin dhe përkushtimin e Komunës së Malishevës dhe kryetarit Begaj, për ndërtimin e këtij impianti dhe zgjidhjen e problemit të trajtimit të ujërave të zeza. Edhe kryetari Begaj, e ka ofruar përkrahjen e komunës së Malishevës në këtë drejtim, dhe është zotuar se do të bëj gjithçka që është e mundshme, në mënyrë që të siguroj të gjithë infrastrukturën e nevojshme në aspektin ligjor dhe procedural, si dhe të krijoj kushtet e nevojshme, që të realizohet ky projekt me rëndësi të madhe për Malishevën dhe zonën turistike. Ndërtimi i impiantit për trajtimin e ujërave të zeza, ka rëndësi të madhe, sidomos për mbrojtjen e natyrës dhe të lumit Mirusha, e me të edhe të zonës turistike të “Ujëvarave dhe kanionit të Mirushës”, që shtrihet përgjatë rrjedhës së lumit dhe është zonë e mbrojtur, apo parkut nacional.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara