Të rinjtë shtylla e vendit tonë i cili meriton përkrahjen dhe vëmendjen maksimale

15/02/2018 Institucionet

Ndër aktivitet për nder të 10-vjetorit të Pavarësisë së Kosovës, është organizuar edhe debati me temën “Rinia kosovare në dekadën e parë të Pavarësisë” nga Kuvendi i të rinjve të Kosovës. Në emër të Ministrisë së Kulturës, Rinisë dhe Sportit, për të diskutuar me të rinjtë, mori pjesë Zëvendësministrja Burbuqe Deva, e cila diskutoi me të rinjtë e Kuvendit për sfidat, arritjet dhe objektivat e rinisë në dekadën e parë të shtetësisë. “Rinia është shtylla e vendit tonë, andaj si grup i rëndësishëm i shoqërisë, meritoni përkrahjen dhe vëmendjen maksimale nga institucionet tona”, është shprehur zëvendësministrja Deva. “Duke qenë se Republika e Kosovës ka mbi 60% të popullsisë në moshë të re, si ministri po punojmë në fuqizimin e të rinjve dhe krijimi i mjedisit përkrahës për zhvillimin shoqëror dhe personal tuajin dhe të bashkëmoshatarëve tuaj për krijimin e mundësive për promovim, zhvillim dhe pjesëmarrje në jetën aktive shoqërore si dhe ofrimin e shërbimeve të barabarta” u tha të rinjve zëvendësministrja. Gjatë debatit u potencua si prioritet rritja e pjesëmarrjes së të rinjve në proceset vendimmarrëse dhe përfshirja sa më e madhe e tyre në politikëbërje sektoriale që ndikojnë drejtpërdrejt në të rinjtë, si një prej objektivave kryesore të Strategjisë Kosovare për Rininë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara