Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zëvendës kryetari i komunës së Ferizajt Xhavit Zariqi në një intervistë dhënë për radion Kosova e Lirë, duke folur lidhur me marrëveshjen për AKS-në është shprehur: ”Kjo nuk është çështje vetëm e AAK-së, por duhet të jetë e gjithë qytetarëve pa përjashtim, ngase në këtë rast po cenohet sovraniteti dhe integriteti i shtetit. Kryeministri aktual thoshte se marrëveshja mes Serbisë dhe Kosovës për AKS-në, nuk prek kushtetutën në asnjë pikë dhe në asnjë presje, derisa për një periudhë kohore prej 4 muajsh opozita rezistoi në Parlament me forma jo edhe demokratike por të domosdoshme, veprime të cilat pozita i quante të jashtëligjshme dhe arrestonte e burgoste deputetetë të opozitës. Unë mendoj se ligji mund të shkelet për ta mbrojtur shtetin dhe sovranitetin dhe është nderë nëse e shkel atë ligj që e shkel kushtetutën duke e cenuar të drejtën e sovranitetit të shtetit dhe territorit. Kjo është turp. Sepse këtë e vërtetoi edhe Gjykata Kushtetuese që ka gjetur shkelje në 23 nene të kushtetuesës.
Personalisht nuk kam menduar se ka shqiptar se bënë marrëveshje të tilla me Serbinë, e kjo ndodhi nga kryeministri me nënshkrim të individëve. Para lufte Millosheviqi kërkonte 30%, të territorit të Kosovës për tu ndarë pa luftë. U bë luftë, u derdh gjak, ranë dëshmorë, mbetën invalidë, patëm dhunime, djegie e shkatërrime të mëdha, dhe tash me këtë marrëveshje po mundësohet që Serbia të menaxhoj me 33 % të territorit tonë. Sikur të mos ishte opozita do të lejohej implementimi i këtyre marrëveshjeve, kjo do të thotë kancer i Kosovës, dhe nuk duhet tu lëmë brezave të ardhshëm një barrë të tillë, ka vlerësuar ndër të tjera në intervistën e tij p[ër RKL, zëvendës kryetari Zariqi.
