Dëbimi i shqiptarëve nga Sanxhaku i Nishit, shkelje e të drejtës së shenjtë të pronës, nga ana e Serbisë

22/02/2018 Institucionet

Zëvendësministrja e Kulturës, Rinisë dhe Sportit, Burbuqe Bakija – Deva mori pjesë në hapjen e Konferencës dy ditore për shënimin e 140 vjetorit të dëbimit të shqiptarëve nga Sanxhaku i Nishit 1877/78 e cila do të organizohet në Bibliotekën Kombëtare të Kosovës “Pjetër Bogdani”, ku u shfaq edhe një ekspozitë me titull “Dëbimi i Shqiptarëve nga Sanxhaku i Nishit 1877/78”, përgatitur nga Agjencia Shtetërore e Arkivave të Kosovës. Zëvendësministrja Bakija-Deva e vlerësoi këtë organizim sepse sjell në kujtesë dëshmi të cilat shqiptarët i kanë përjetuar sikurse është dëbimi masiv dhe ngjarje si kjo e sotmja duhet shërbyer si thirrje për vetëdijesim, për të mos lejuar vazhdimin e realizimit të doktrinave shpopulluese edhe në treva tjera ku banojnë shqiptarë në territorin e Serbisë. “Sot po përkujtojmë historinë e dhimbshme të 140-vjetorit të dëbimit masiv të shqiptarëve nga Sanxhaku i Nishit, me ç’rast Serbia, përmes dhunës dhe terrorit të organizuar nga aparati shtetëror, ushtroi gjenocid, spastrim etnik te qindra vendbanimeve shqiptare dhe dëbimin e qindra mijëra shqiptarëve nga tokat e veta. Shqiptaret e Sanxhakut, përveç terrorit që përjetuan me vrasje e therje, vdekje te grave, pleqve dhe fëmijëve nga acari e uria, djegie te shtëpive, ata përjetuan edhe një humbje të madhe, humbjen e një të drejte të shenjtë, të drejtën e pronës”, tha zëvendësministrja. Zëvendësministrja vuri në vëmendje edhe përpjekjet e Serbisë edhe në luftën e fundit të Kosovë dhe tendencat e saj për dëbimin e shqiptarëve nga vendi ynë, por për fatin tonë të mirë aleatët dhe miqtë e Kosovës nuk e lejuan që kjo gjë të ndodhë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara