Mbledhje e përbashkët ndërmjet DKA-së, kryesisë së Këshillit të Prindërve dhe kryesisë së Sindikatës së Bashkuar të Arsimit në Rahovec

25/02/2018 Institucionet

Në mbledhjen e përbashkët të Drejtorisë Komunale të Arsimit, kryesisë së Këshillit të Prindërve, kryesisë të Sindikatës së Bashkuar të Arsimit për Rahovec dhe drejtorëve të shkollave, ndër të tjera janë debatuar shumë çështje që ndërlidhen me mbarëvajtjen e procesit edukativ-arsimor në komunën e Rahovecit. Përveç shqetësimeve të shumta që u ngritën, në këtë takim u fol edhe për grevën e arsimtarëve që ishte ftuar nga SBASHK-u. Shqetësim i përbashkët ishte humbja e orëve të mësimit dhe çrregullimet që shkaktohen në procesin mësimor gjatë mbajtjes së grevës. Pothuajse ishte qëndrim unanim i pjesëmarrësve që t’ju apelohet palëve, Qeverisë së Kosovës dhe SBASHK-ut që sa më parë të gjejnë një zgjidhje të pranueshme, në mënyrë që të mos pësojnë nxënësit. Përsëritja e thirrjeve për grevë po e dëmton rëndë procesin dhe ka efekte negative për nxënësit, prandaj do të ishte mirë që të mos përdoren fëmijët për arritjen e qëllimeve sindikale.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara