Zhbllokohet rruga nga bora në një lagje në fshatin Bardh të Malishevës

27/02/2018 Institucionet

Të gjitha rrugët kryesore në fshatrat e Komunës së Malishevës janë të hapura nga bora, por në viset malore, përkatësisht në fshatrat që shtrihen përgjatë Maleve të Berishës, ka pasur vështirësi në qarkullim, pasi erërat e kanë zhvendosur borën në disa vende, duke krijuar trashësi të borës deri në tri metra, si në Berishë e në Bardh. Pas shumë përpjekjeve, në fshatin Bardh, është liruar rruga për lagjet e Berishëve dhe Goden. Të gjitha fshatrat që shtrihen në Malet e Berishës, si Tërpezë, Fshat i Ri, Berishë, Lladrovc, Senik e Bardh, janë vizituar nga nënkryetari i Komunës së Malishevës, Hajdin Berisha, i cili së bashku me ekipet komunale, kanë inspektuar punën e kompanisë së kontraktuar për mirëmbajtjen e rrugëve, si dhe u janë përgjigjur thirrjeve të banorëve të këtyre fshatrave, në vendet ku ka pasur nevojë të intervenohet për largimin e borës. Në Berishë, trashësia e borës në disa vende arrinte lartësinë rreth tre metra, sidomos në rrugën që lidhet me fshatin Kleçkë, ku është bërë hapja e rrugës, ndërsa edhe në fshatin Bardh, sidomos në lagjen e Berishëve, është hapur rruga deri në brendi të lagjes, pasi nga e hëna në mbrëmje ka qenë e bllokuar nga bora. “Ne do të jemi në shërbim të banorëve 24 orë në ditë dhe do ti përgjigjemi të gjitha kërkesave të banorëve, për hapjen e rrugëve”, tha nënkryetari Berisha, gjatë hapjes së rrugëve në këto fshatra.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara