Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Pas komunikatës së AAK-së dhe kryeministrit Ramush Haradinaj, ka reaguar rreth ndryshimit të pikave të marrëveshjes së demarkacionit edhe deputetja e AAK-së, Time Kadrijaj, e cila është edhe anëtare e Komisionit për Politike të Jashtme. Ajo përmes një postimi në llogarinë e saj në “Facebook”, ka akuzuar kryetaren e këtij komisioni Vjosa Osmani se ka manipuluar me komisionin.
“Vjosa ka manipulu me komisionin sepse të gjithë anëtarët e komisionit me përjashtim të LDK-së kemi votuar për marrëveshjen e arritur në mes liderëve e që është bë publike nga kryeministri Haradinaj. Ndryshimi i vetëm ka qenë në pikën 1.2 që në fund të paragrafit i shtohet si orientim. Kjo ka qenë marrëveshja dhe për këtë kemi votuar. Çka ka dalë jashtë kësaj është manipulim me komisionin dhe votat e deputetëve. As në seancë e as në komision nuk është sjell asgjë e shkruar nga ato që po supozohet që janë votuar por veç janë lexuar paragrafët”, ka shkruar Kadriaj.
