leoni

Kryetari Elezaj priti zyrtarët e Aleancës Kosovare të Biznesit

01/03/2018 Institucionet

Kryetari i Komunës së Klinës, Prof.Dr Zenun Elezaj, është takuar me udhëheqësit e Aleancës Kosovare të Biznesit, kryetarin dr. Agim Shahini dhe Lumnije Ajdini, me të cilët është diskutuar për harmonizimin e qëndrimeve për të ndihmuar bizneset vendore, promovimin dhe krijimin e kushteve për investitorë të jashtëm. Është biseduar për hapjen e një zyre të AKB-së në Komunën e Klinës, që do të jetë edhe një pikë reference e bashkëpunimit e koordinimit në mes Komunës së Klinës dhe këtij Agjensioni për çështjet që kanë të bëjnë me biznesin. Kryetari Elezaj, ka treguar se Klina është e interesuar të bëjë promovimin e resurseve biznesore që ka kjo Komunë dhe ka shprehur gatishmërinë për bashkëpunim dhe krijimin e kushteve të favorshme për investitorë të huaj që dëshirojnë të investojnë në Komunën e Klinës. Në takim është biseduar edhe për mundësitë e binjakëzimit të Komunës së Klinës me ndonjë Komunë të Bashkimit Evropian që kanë karakteristika të njëjta. Elezaj dhe Shahini, kanë biseduar edhe për krijimin e lehtësirave për bizneset derisa është kërkuar që taksat që paguajnë në TVSH dhe dogana, bizneset e Klinës, të derdhen në buxhetin e Komunës. “Qëllimi ynë i përbashkët është që të dëgjohet zëri i bizneseve dhe bashkërisht të harmonizohen qëndrimet. Duhet punuar edhe në luftimin e informalitetit. Bashkërisht do të fillojmë që Klinën ta promovojmë edhe në arenën ndërkombëtare”, është thënë ndër të tjera në këtë takim në të cilin morën pjesë edhe përfaqësues të biznesit.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara