leoni

Ministri Lekaj priti Ambasadorin e Austrisë në Kosovë

07/03/2018 Institucionet

Ministri Pal Lekaj priti Ambasadorin e Austrisë në Kosovë, Gernot Pfandler së bashku me përfaqësuesit e tri kompanive: Starbag, Kral dhe Green Team, me të cilët  diskutuan për mundësitë  e të bërit biznes në Kosovë dhe hapësirën që mund t’u ofrohet këtyre bizneseve. Duke e parë këtë si një mundësi shumë të mirë për zhvillimin ekonomik të Kosovës, e posaçërisht në infrastrukturë, Ministri i Infrastrukturës  Pal Lekaj, falënderoi delegacionin për vizitën dhe interesimin e tyre për bashkëpunim, si dhe u ofroi atyre një pasqyrë të projekteve  të cilat nuk kanë filluar ende dhe të cilat pritet të fillojnë në të ardhmen. “Kosova është një treg i ri dhe ka hapësirë për investitorë, e sidomos kur kemi përfaqësues të kompanive serioze të cilat i duhen Kosovës. Ndoshta ne si Kosovë kemi bashkëjetuar shumë vite me sistemin Jugosllav, por atë sistem e ka shkatërruar lufta dhe tani po ia fillojmë prej zeros që të bëjmë një reformë ekonomike të këtij sistemi. Ajo që ne jemi duke punuar si Qeveri e Kosovës, po bënë që investitorët së pari të kenë siguri dhe pa sigurinë e investitorëve, unë besoj që kot bisedojmë”, tha ministri Lekaj. Ministri radhiti edhe arsyet se pse duhet të investohet në Kosovë, si: dalja e Kosovës në det për dy orë e gjysmë, klasifikimi i  Kosovës si qendër e shteteve fqinjë, lidhja rrugore me Tiranën për dy orë, me Shkupin një orë, me Beogradin katër orë, lidhjen hekurudhore dhe  autostradën që na e mundëson daljen në det. Lekaj gjatë këtij takimi gjithashtu theksoi edhe një element tjetër shumë të rëndësishëm me ndikim në zhvillimin ekonomik të Kosovës, fuqinë punëtore të vendit, e cila sipas tij është shumë e lirë. Sipas ministrit Lekaj, këtyre bizneseve do t’u ofrohet hapësirë e mjaftueshme që në projektet e ardhshme infrastrukturore të mund të kenë kyçje dhe të punojnë me seriozitet, ashtu siç duhet. Projektet për të cilat bëhet fjalë janë: autoudha Kievë-Zahaq, zgjerimi i rrugës me katër korsi Gjakovë-Dollc, procesi i Berlinit Durrës-Merdarë-Nish, autoudha Prishtinë-Mitrovicë si dhe projekti madhor i cili pritet të fillojë në vitin 2019, pra autostrada e Dukagjinit me gjatësi prej 91 kilometrash, duke lidhur kështu Istogun me Prizrenin. Ndër të tjerash, ministri Lekaj dhe ambasadori Pfandler diskutuan edhe për problemin e shfaqur të mosnjohjes së patent shoferit të Kosovës në shtetin e Austrisë dhe mënyrën se si mund të merren hapa të duhur sa i përket kësaj çështjeje. Duke u nisur prej këndvështirmeve të tyre, ambasadori austriak në Kosovë Gernot Pfandler, së bashku me përfaqësuesit e kompanive prezente në takim, e vlerësuan gjendjen e infrastrukturës rrugore në Kosovë, si një prej më të mirave në rrethinë dhe që me të vërtetë është për të marrë lëvdatë sa i përket zhvillimeve infrastrukturore.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara