Filloi rregullimi i rrugës që do të jetë në shërbim të bujqve

09/03/2018 Institucionet

Ka filluar hapja dhe rregullimi i rrugës Malishevë-Carrallukë, e cila kalon përgjatë tokave bujqësore, përkatësisht në ish vreshtarinë dhe kjo rrugë do të jetë tërësisht në shërbim të bujqve të cilët i kanë plantacionet e tyre të kultivimit të pemëve. Punimet në këtë rrugë, i ka parë nga afër edhe nënkryetari i Komunës së Malishevës, Hajdin Berisha, ndërsa ka thënë se “komuna e Malishevës është e përkushtuar për krijimin e kushteve për bujqit malishevas”. Nënkryetari Berisha, i cili ka qenë i shoqëruar edhe nga drejtori i urbanizmit, Islam Vrenezi, i kanë parë nga afër punimet në hapjen dhe përgatitjen e kësaj rruge, e cila do të jetë tërësisht në shërbim të bujqve, të cilët i kanë tokat dhe plantacionet e tyre në këtë hapësirë. “Komuna e Malishevës, është e përkushtuar në krijimin e kushteve sa më të mira, për të gjithë fermerët malishevas, e në veçanti për kultivuesit e perimeve, por edhe atyre që e mbjellin tokën me kultura tjera”, ka thënë nënkryetari Berisha. “Kjo është njëra prej hapësirave më të mëdha, ku shumë fermer i kanë pronat e tyre, por deri më tani janë përballur me mungesë të infrastrukturës rrugore, prandaj kemi paraparë që të investojmë në këtë rrugë, e cila është një zgjidhje e mirë dhe shumë domethënëse për të gjithë bujqit”, tha Berisha. Ndërsa drejtori i urbanizmit, Islam Vrenezi, tha se “rruga ka një gjatësi prej afro tri kilometrave, duke filluar nga Malisheva dhe përfundon në Carrallukë”. Sipas tij, do të bëhet hapja dhe zgjerim i kësaj rruge, si dhe përgatitja e rrugës për qarkullimin e mjeteve bujqësore dhe mjeteve tjera.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara