Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në mbështetje dhe bashkëpunim me Komisionin Qeveritar të Republikës së Kosovës për organizimin e veprimtarive të Vitit Mbarëkombëtar të Gjergj Kastriotit-Skënderbeut, Instituti i Historisë “Ali Hadri” në Prishtinë, në bashkëpunim me Institutin e Historisë në Tiranë dhe Institutin e Trashëgimisë Shpirtërore dhe Kulturore të Shqiptarëve në Shkup, do të shënojnë dhe kremtojnë këtë përvjetor me aktivitete të ndryshme shkencore e kulturore.
Të tri institutet e historisë (Kosovë, Shqipëri dhe Maqedoni) nën patronatin e kryeministrit të Kosovës, z.Ramush Haradinaj, më 10 qershor 2018, do të shënojnë 140-vjetorin e Lidhjes Shqiptare të Prizrenit. Në kuadër të këtij përvjetori, në Prizren do të organizohet konferencë shkencore ndërkombëtare, akademi solemne, ekspozitë tematike me piktura, vendosja e gurëthemelit për ngritjen e shtatoreve të udhëheqësve kryesorë të Lidhjes Shqiptare të Prizrenit, si dhe do të bëhet një paradë e FSK-së (parakalim i kalorësve).
Po në qershor 2018, në Nju Jork të SHBA-së, në kuadër të aktivitetit “Java e Kulturës Shqiptare” do të organizohen aktivitete të ndryshme kulturore, si: ekspozita, promovime librash etj.
Për nder të Vitit Mbarëkombëtar të Gjergj Kastriotit-Skënderbeut, përkatësisht, 550 vjetorit të vdekjes së kryeheroit tonë kombëtare, Instituti i Historisë, gjithnjë nën patronatin e kryeministrit të Kosovës, do organizojnë në Prishtinë më 15 shtator 2018, Konferencë shkencore ndërkombëtare, për figurën e Gjergj Kastriotit, në të cilën janë ftuar studiues nga vende të ndryshme të botës. Këto aktivitete do të vazhdojnë me një ekspozitë me dokumente për Skënderbeun, botime me dokumente për Skënderbeun, si dhe aktivitete të ndryshme kulturore e artistike.
Prishtinë, 13.03.2018
