Komuna e Hanit të Elezit dhe FSK-ja, identifikojnë fushat e bashkëpunimit

14/03/2018 Institucionet

Kryetari i Komunës së Hanit të Elezit Rufki Suma, priti në takim pune Oficerë të FSK-së, Major Berat Shala, Komandant i Batalionit të parë për reagim të shpejtë të zonës së përgjegjësisë së Gjilanit, Kapiten Faredin Imeri, Oficer për bashkëpunim Civilo-ushtarak dhe Toger Afrim Xhelili, Oficerë për Siguri dhe Inteligjencë nga ky Batalion. Major Berat Shala e njoftoi Kryetarin Suma se kjo vizitë po realizohet në kuadër të takimeve me kryetarët e komunave të Zonës së përgjegjësisë së Gjilanit që mbulon 15 komuna. Takimi ka për qëllim njoftimin me aktivitetet e Batalionit të parë për reagim të shpejtë si dhe identifikimin e fushave të bashkëpunimit me komunat e kësaj zone. Për këtë qëllim Oficerët e FSK-së me kryetarin Suma bashkëbiseduan për ofrimin e bashkëpunimit, shkëmbimin e përvojave si dhe rritjen e ndërveprueshmërisë. Në takim ku ishin prezent edhe Drejtori për Shërbime Publike dhe Emergjencë Refet Kalisi dhe Drejtori për Arsim dhe Kulturë Menduh Vlashi, kryetari Suma tha se komuna e Hanit të Elezit ka nevojë për ngritjen e kapaciteteve për situata eventuale emergjente dhe do të jetë i mirëseardhur bashkëpunimi me Batalionin për reagim të shpejt përmes trajnimeve, ligjëratave apo bashkëpunimin në forma tjera që do të kontribuonin në këtë drejtim.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara