Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot bëhen 19 vjet nga rënia heroike e 49 martirëve të lirisë në fshatin Klladernicë të Drenicës, ku forcat kriminale serbe vranë fëmijë, burra, gra e pleq. Fëmijë të vegjël, nxënës të shkollave, mësues e njerëz të dijes. U vra edhe Haxhi Beka, një nga mësuesit më të vjetër të shkollës në Klladernicë. Baba, mësues dhe njeri fisnik. Familje e madhe, e ndershme dhe atdhetare.
Edhe sot, ku në përkujtim të të rënëve, fshatarët, bashkohen si në ditën e vdekjes heroike të tyre, mblidhet i gjithë fshati, miqësia dhe udhëheqësit e shtetit e të komunës, për ta ndarë dhimbjen me familjet e të vrarëve dhe për ti uruar për ditën e përvjetorit. Uratat dhe përshëndetjet vijnë nga çdo anë, ato vijnë në përkujtim, me dhimbje dhe me krenari gjithashtu. Dyert e familjareve të të vrarëve i gjen të hapura si në ditën e varrimit edhe sot, edhe dje por edhe nesër.
Kështu ishte sot edhe pritja në familjen e Gani Bekes. Djali i madh i mësuesit Haxhi Beka, i Nënës Salë dhe vëllai i motrës Shpresa Beka të cilët i vranë në oborrin e shtëpisë së tyre. Dyert i mbeten të hapura për t’i prit e përcjellë të gjithë ata qe vijnë në ngushëllim, urim dhe gëzim. Një familje qe dha shumë, edhe jetë edhe mund edhe pritja e përcjellja e tyre qe nuk kanë fund. Lavdi gjithë të rënëve në luftë për liri.
