Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Departamenti Amerikan i Shtetit dënoi ngjarjet e së hënës në Mitrovicë të cilat “në mënyrë të panevojshme ngritën tensione dhe kërcënuan stabilitetin rajonal”. Në një deklaratë të lëshuar të martën, zëdhënësja e DASH, Heather Nauert, ftoi Kosovën dhe Serbinë që të fokusohen në dialogun e drejtuar nga Bashkimi Europian.
“Shtetet e Bashkuara dënojnë ngjarjet e djeshme në Mitrovicë të cilat në mënyrë të panevojshme ngritën tensione dhe kërcënuan stabilitetin rajonal. Ne kërkojmë nga të gjitha palët që ta shmangin eskalimin e situatës, dhe në mënyrë të qetë t’i zgjidhin kontestet në paqësisht. Për ta krijuar një paqe të qëndrueshme në Ballkan, edhe Kosova edhe Serbia duhet të fokusohen në normalizimin e marrëdhënieve nëpërmjet dialogut të drejtuar nga BE. Shtetet e Bashkuara mbesin të gatshme t’i mbështesin të gjitha palët në dialog”, tha zëdhënësja e Departamentit Amerikan të Shtetit, Heather Nauert.
Njësitet speciale të Policisë së Kosovës të hënën në mbrëmje arrestuan shefin e Zyrës për Kosovën në qeverinë e Serbisë, Marko GJuriq për hyrje ilegale në territorin e Kosovës. Ai u ekstradua në Serbi disa orë pas arrestimit
