Ministri Reçica: Aftësimi profesional mundësi e mirë për punësimin

28/03/2018 Institucionet

Në kuadër të vizitave në Qendrat e Aftësimit Profesional (QAP), Ministri i Punës dhe Mirëqenies Sociale, Skender Reçica, vizitoi edhe qendrat në Gjilan dhe Ferizaj, ku pa nga afër shumë të rinj e të reja duke ndjekur kurse të aftësimit në fusha të ndryshme, si: zdrukthëtari, administrim biznesi, saldim, dizajn, hotelieri, etj. Përfaqësuesit e të dy qendrave falënderuan ministrin Reçica për vizitën dhe interesimin që po tregon në promovimin dhe fuqizimin e qendrave të aftësimit dhe riaftësimit profesional. Ministri Reçica me disa nga të rinjtë me studime pasuniversitare të përfunduara, u njoftua në detaje rreth njohurive që ata po përfitojnë në trajnimet që po ndjekin në këto qendra. Në Gjilan, ministri takoi edhe Lavdrim Hysenin, i certifikuar në dizajn grafik dhe i punësuar në biznesin, “Luli 93”, i cili tregoi se aftësimi i përfituar në QAP i ka ndihmuar për të gjetur një vend pune. Ministri Reçica u shpreh i kënaqur nga puna që pa në këto qendra dhe nga  vullneti i të rinjve për punë. Reçica tha se aftësimi dhe riaftësimi profesional, në kuadër të masave aktive të tregut të punës, janë mundësi e jashtëzakonshme për të gjetur një vend pune dhe bëri thirrje që të vizitohen sa më shumë këto qendra për të ndjekur trajnimet dhe për tu aftësuar në një laramani profilesh që ofrohen në QAP.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara