Ministri Reçica takoi Ambasadoren e Kroacisë në Kosovë, Marija Kapitanović

29/03/2018 Institucionet

Ministri i Punës dhe Mirëqenies Sociale, Skender Reçica, priti në takim Ambasadoren e Republikës së Kroacisë në Kosovë, Marija Kapitanović, me të cilën diskutuan për një varg çështjes të rëndësishme. Ministri Reçica dhe ambasadorja Kapitanović biseduan rreth thellimit të mëtutjeshëm të bashkëpunimit bilateral në mes të dyja shteteve, në fusha të caktuara relevante. Me theks të veçantë, u bisedua rreth punësimit sezonal të qytetarëve të Republikës së Kosovës në Republikën e Kroacisë. Të dy u dakorduan për avancim të procesit sa i përket punësimit sezonal. Temë diskutimi ishte edhe avancimi i procesit rreth marrëveshjes bilaterale për sigurime sociale në mes të Kosovës dhe Kroacisë,  marrëveshje për të cilën është marrë iniciativa për nisje të negociatave. Ambasadorja Kapitanović falënderoi ministrin Reçica për pritjen dhe theksoi mbështetjen e shtetit kroat për Kosovën, në të gjitha proceset e saj të rëndësishme.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara